銳目希斯擺明急攻 06/12/2025 昨早希斯馬房非常積極練兵，6匹參戰馬先後亮相到大跑道快試，目標馬匹為第3場四班1200米草地初出的「銳目」，艾道拿試5課閘贏兩次，做足工夫而臨，朝早騎者親自仄多一課但求十拿九穩，練者督操完再去機坪接馬，緊張到痹，搏殺意欲表露無遺。 「銳目」、希斯 另外，第7場四班1200米泥地「嘉應駿馬」亦是同一批出大圈快跳，走勢爽朗有勁，最近試兩課泥閘又係輕鬆掄元，睇嚟初跑泥地此程唔會有太大阻力，「嘉應」系戰意鮮明，幕後梗係想先贏呢件，為下周日的國際賽「嘉應高昇」造勢，吼實無蝕底。