飛躍成就決心交代 23/12/2025 因聖誕檔期關係，周中谷中夜賽改在今晚舉行，不少參戰馬都要改變操練日子，原本周一的最後試跑都要提早進行，惟昨晨賽前加課期，賀廐先有「飛躍成就」由助手進行快跳，欄邊客一度以為馬房睇錯日子，惟稍後時間再有新勝馬「翠湖烈風」作相同操練，走勢一樣洶湧有力，狀態均對辦。 飛躍成就昨朝快試身輕步爽。 到了中場休息空檔，動態進一步昇華，見潘頓特登走上烽火台2樓，坐埋賀賢旁邊咬耳仔，兩人傾咗接近15分鐘，相信話題肯定離不開合作馬「飛躍成就」，期間騎練細聲講大聲笑，鏡頭令人側目，須知此駒前仗初跑谷草即後上入Q，細場能力已露一手，今勻增程跑一哩搵潘一哥助拳，係時候要交代。