帥帥友福換仁再拚 27/12/2025 有料之人真係唔使點擔心，貴為4屆法國冠軍騎師嘅紀仁安，今次重返香港客串幾個月，雖然初期成績普通，但自從喺香港國際賽日憑法國代表「同工之妙」捧走香港瓶開齋後，已經連贏4日，近兩次賽事悉數起孖，好似剛周二晚嘅「錶之量子」中段變奏同埋「豐辰」終點前一步擒低對手，就盡顯功架。 紀仁安 嚟到今日沙田賽事，紀仁安騎7駒上陣，第10場三班1200米草地接手鄭俊偉馬房嘅「帥帥友福」，不妨多加留意。「友福」系馬主蘇永強以往係鄭俊偉馬房最大支持者，但隨住米高哥今季馬房壯大，蘇生亦開始將佢名下嘅馬轉去其他馬房發展，依家只係得番「帥帥友福」擺喺鄭廐。不過，米高哥依然好重視「帥帥友福」，季初兩場由「友福」系主帥田泰安執韁後，近兩仗都搵麥道朗搏殺，可惜只得前仗僅敗取得一席亞軍，上周六更因出閘慢咗落敗。今次鄭俊偉安排「帥帥友福」匆匆再出跑三班田草1200米，搵埋旺氣迫人嘅紀仁安幫手，擺明要拚個明白，值得重視。 鄭俊偉