三軍勇將保衛戰 01/01/2026 上個月初踏入37歲嘅英國籍騎師潘大衛，今季首次來港客串，至今上陣109次仍未開齋，僅取得1亞7季2殿。雪上加霜嘅係，最近有唔少海外高手來港客串，雖然麥道朗、杜苑欣已經相繼結束客串期，不過今日有麥文堅上陣，加上紀仁安，多多少少都會分薄咗潘大衛嘅支持。 潘大衛 潘大衛為咗打破悶局，決定入鄉隨俗，日前就去咗拜神，祈求好運，可以早日打開勝利之門。而睇潘大衛今次坐騎，其中最有機會為第9場匹「三軍勇將」，季內5戰1勝2位全有獎金，5歲馬大熟大勇，後追馬大場一樣啱衝，最重要乃出自一向支持弱勢騎師的方嘉柏馬房，話唔定就係呢隻開齋。