大文豪輝哥出招 01/01/2026 昨晨姚本輝馬房積極練兵，9匹上陣馬照例到內圈踱步熱身，練者全程在機坪打點一切，督操完畢再接馬，忙到唔停手，佢咁緊張當然係有出擊馬在手，當中重點要留意交畀何澤堯兩駒「時間寶」及「大文豪」。 「大文豪」昨朝出操時精神爽利。 「時間寶」今季由輝哥接手，首兩仗亞季各一俱只僅敗，上鋪則因心律不正才大敗，呢場賽績可以抹去，今次回師馬路程田草1200米，騎練決心拚到贏為止。「大文豪」3課大閘均由何澤堯一手包辦，重視程度極高，新西蘭4歲自購馬成熟進度令人滿意，可望有驚喜演出。