兩巴西猛將鬥到香港 04/01/2026 即使近年多咗「神駒」喺馬主余潤興喺南美洲引入自購馬來港，但嚟自巴西、阿根廷或智利嘅自購馬，喺香港仍屬於少數族群。 智勝神駒 不過，今日第7場二班1600米草地，竟然有兩匹巴西自購馬「睿盛人生」及「智勝神駒」同場較量，咁啱呢兩隻馬仲要由巴西鬥到嚟香港。 睿盛人生 伍鵬志訓練嘅「睿盛人生」，去年10月尾初出跑二班田草1600米由黃寶妮執韁，竟然可以一出即勝，擊敗「遙遙領先」同埋「桃花開」，係少數可以初出即贏二班賽事嘅自購馬，翌仗再出強配麥道朗即使未能再下一城，但考慮到嗰日雙重加磅兼出閘慢，沿途際遇一般都跑第6名，今回由潘頓接手，當然不能忽視。 至於今次初出嘅「智勝神駒」來頭更加唔簡單，事關「睿盛人生」喺巴西最後一仗贏G1，但之前跑過兩場1600、2000米一級賽只得亞軍，正正係輸畀「智勝神駒」，難怪來港插班都比「睿盛人生」高3分，今次異地再遇「睿盛人生」，睇吓能否再次擊敗對手？