黎昭昇開創100W 23/01/2026 黎昭昇上星期日沙田草地賽憑「冷娃」及「國千金」起孖，打破悶局同時捧盃，在港頭馬數字已經累積到99場，只差1場頭馬就可以達到100W呢個里程碑，而黎廐周日共派5駒上陣，相信都好大機會可以達成目標。 「創寶駒」1月中勝出谷草1200米大閘。 當中跑第2場四班1200米，初出嘅「創寶駒」絕對係最佳機會，呢匹3歲澳洲自購新馬一直由艾道拿摸實試閘，表現逐步改善，最近一次更加勝出跑馬地試閘，今次初出排5檔，絕對有機會一出即勝。