黃智弘趕畢業揸快車 28/01/2026 見習騎師黃智弘，上期沙田日賽幫師傅方嘉柏爆冷贏「昭易搵」，只差4W就畢業，今期除咗方嘉柏將3匹機會馬交予徒弟執韁外，另一練馬師姚本輝向來亦善用見習騎師減磅優勢，安排「千杯敬典」及「駿奕快車」配黃智弘隨時有驚喜。 黃智弘 第3場「千杯敬典」服役至今已經取得4捷佳績，不過4W全數都係四班頭馬，今季三班起步跑咗5場皆無功而還，如今終於重返四班上陣，有權重返勝門。第7場「駿奕快車」近兩仗出戰中距離賽事落敗而回，今回取得保護權縮程作戰，谷草1200米過往3戰取冠亞各一，且看能否交出好表現。