飛鷹翱翔入冬弗 31/01/2026 伍鵬志馬房「睿盛人生」周日將出戰香港經典一哩賽，評分最高跑平磅自然成為擂台躉，同日亦有廐侶配合而來。當中喺第3場一班1400米派出「飛鷹翱翔」，回配贏馬拍檔艾兆禮，戰意鮮明。 伍鵬志 「飛鷹翱翔」上仗於紀仁安胯下，甫出閘便被隔籬嘅「健康愉快」撞到，無奈只能留後競逐，未能以最佳跑法迎戰，伍鵬志表示馬匹賽後一切正常，上次惟有當試咗課閘，希望今次馬少場合唔好再有意外，可以順利領放。伍鵬志又謂，「飛鷹翱翔」現時狀態非常好，特別係入冬後，馬匹狀態更上一層樓，呢匹7歲愛爾蘭賽駒有希望取得季內首W。