笑盈喜奧爾民好夾檔 01/02/2026 蘇偉賢最近炮製唔少驚喜畀馬迷，對上3W都係逾10倍嘅冷門，當中包括48倍嘅「笑盈喜」，今次呢匹4歲新西蘭PPG再配奧爾民跑四班田草1200米，卻抽不利嘅14檔，究竟能否再下一城呢？其實「笑盈喜」初出只係跑第11名，點知上仗第2次上陣就成功變身，馬主何志豪都話贏馬係意外驚喜，但承認同初出嗰場比較，愛駒明顯識得放鬆，因為前仗比較急同埋前段走晒，梗係埋唔到尾。至於上場一樣打算採取主動跑法，咁啱「笑盈喜」出閘順利可以放頭，而奧爾民嘅長韁繩應該對愛駒走勢有幫助，長線嚟講都係一匹短途馬，希望順其自然繼續交出好成績。 笑盈喜上賽田草1200米爆冷。 自從爆冷贏馬後，「笑盈喜」立即運上從化操練，奧爾民亦曾喺當地幫馬匹快跳，重視之情可見一斑，唔怕追寶尾。