星運傳奇直路賽至掂 01/02/2026 啱啱禮拜三跑馬地賽事，黑夜之神方嘉柏靜如深海。今日沙田賽事，重頭戲香港經典一哩賽方嘉柏冇份玩，其餘場次機會最好首推「星運傳奇」。 星運傳奇在港初出即勝直路賽。 此匹4歲澳洲自購馬「星運傳奇」去年10月尾在港初出跑三班田草1000米直路賽，以頸位之微擊敗「飛來閃耀」，順利一出即勝，之後兩戰卻嘗試增程跑田草1200米，但效果平平，兩場名次都係雙位數。既然喺轉彎路程無嘢睇，方嘉柏今次惟有安排「星運傳奇」回師勝途1000米直路賽，埋門安排拍跳彈草閘，走勢吸引，睇吓係咪可以回復真身？