東來欣賞狀態弗到震 11/02/2026 告東尼馬房列陣第2場的「千杯」，季內幾仗谷中1200米都係放唔到尾，跑1000米又排大外檔，際遇都係麻麻，減分落到五班對壘應可迎來轉機，今次易配紀仁安已顯示出幕後爭拚決心，上月尾更預早交畀紀仁安試泥地大閘，走勢從容不迫以第2名過終點，做足準備。昨晨「千杯」由助手內圈踱步加課，告仔在欄邊盯實也特別望多幾眼，似是心中有馬，而另一匹廐侶「東來欣賞」亦得到練者重視，此駒出戰第7場四班1200米，狀態又係長期保持弗到震，季內5戰同程得1冠2亞1殿一次第5名，未甩過獎金，今晚排3檔點可以唔跟。 「東來欣賞」昨朝出試精神爽利。