姚本輝申請收袁幸堯為徒 14/02/2026 馬會上周五向袁幸堯發見習騎師牌照，呢位現年25歲女見習騎師，將於4月1日開始，展開在港嘅策騎生涯，但馬會目前尚未公布袁幸堯將隸屬邊位練馬師。而姚本輝昨晨透露，已入紙申請袁幸堯成為馬房旗下嘅見習騎師。袁幸堯之前在港訓練期間曾經跟隨姚本輝學藝，睇嚟輝哥對呢位女見習騎師讚譽有加，希望收歸旗下。