遨遊波士緣繫麥文堅 28/02/2026 年僅22歲嘅愛爾蘭籍好手麥文堅，來港客串接近尾聲，至今取得9場頭馬，成績相當唔錯，亦開始與唔同練馬師合作，明日將會同羅富全首次合作，於第5場四班1200米策騎「遨遊波士」上陣。 麥文堅 羅富全表示自己一直都想搵麥文堅幫手，不過一直未有機會，而咁啱今次潘頓要騎「龍傲綾羅」，加上麥文堅無坐騎，所以便將「遨遊波士」交由呢位年輕好手執韁。全哥指麥文堅騎功有莫雅嘅影子，於外地亦被喻為莫雅接班人，希望可以藉由麥文堅嘅幫助，幫「遨遊波士」取得季內首W。 馬會首派隊參戰識價盃 香港馬會宣布，確定首次派出代表隊競逐於8月8日在英國雅士谷馬場舉行的2026年杜拜免稅店識價盃，「香港賽馬會隊」將取代去年參賽的「亞洲隊」，首次亮相識價盃，由3名香港持牌騎師組成，並將由何澤堯擔任隊長。 2026年識價盃將上演6場賽事，雲集全球頂尖騎師，屆時「香港賽馬會隊」將與既有的「英國及愛爾蘭隊」、「女子隊」及「世界隊」同場較量。