辣得金強配交代格 11/03/2026 要數呢期最旺同最紅嘅騎師，相信唔少人嘅答案都會係意大利好手艾兆禮，事關上期田戰在港首次食出大四喜；又或者係潘頓，但其實呢兩位都只係連贏3日，反而剛周日憑「怡昌光輝」增添進帳嘅布文，原來已經連續4次賽事有馬贏，作為一位重磅騎師，OK哥嘅演出係幾穩定，尤其係谷草場合，事關佢已經累積21場頭馬，只係落後潘頓3W。 巫偉傑 嚟到今晚跑馬地賽事，布文就有6匹坐騎，其中第1場五班1000米嘅「辣得金」，就有機會幫佢連贏5日。呢匹5歲澳洲PPG上季尾加盟巫廐後，曾經喺賀銘年胯下贏咗四班谷草1000米，加分後都繼續有穩定演出，可惜上季尾試過閘前退出後，今季初表現平平兼且部署減分，近兩仗落到五班跑谷草1000米都有獎金收。不過，既然一直都冇突破，巫偉傑今次決定強配布文出擊，部署同之前同樣換OK哥贏馬嘅「錶之浩瀚」差唔多，睇吓「辣得金」能否取得今季首W？