布浩榮望長駐香港發展 11/03/2026 即將喺4月20日來港客串至煞科嘅布浩榮，今個星期會率先來港出席首課，昨晨首度亮相，呢位澳洲籍好手先為游達榮馬房嘅「海鑽石」快跳，其後則在騎師經理人陪同下去烽火台洗樓，與眾練馬師打招呼，其後則參與兩課試閘，嚟緊星期六都會參與跑馬地試閘。今次提早來港，因為適逢喺澳洲被罰停賽，所以決定提早來港熟習環境，他說：「我喺香港都有唔少朋友，好似布文、游達榮等，佢哋都比咗好多建議我，都有叫我如果有時間，要早啲嚟香港適應環境，見下唔同練馬師，咁啱停賽時間配合到，所以提早來香港。」 布浩榮 而布浩榮表示如果有機會都想長駐香港，他指出：「呢個係夢寐以求嘅機會，不過一切都要睇吓嚟緊3個月嘅表現。」至於布浩榮被稱為潘頓2.0，他說潘頓喺香港非常成功，希望可以有佢嘅成就。游達榮對布浩榮讚譽有加，兩人於澳洲時已有合作贏馬，亦都非常老友，游達榮說：「布浩榮平衡力好，亦有出色嘅策騎智慧，相信佢會喺香港取得成功。