同心同並堅作戰爭連捷 15/03/2026 今日尾場三班田草1400米只得12駒參戰，游達榮就有「同心同樂」及「騰龍踏雪」雙龍出海，後駒只係馬房第2選兼首度登場，應該係熱身性質，主力應該擺喺力爭季內第3W嘅「同心同樂」身上。 麥文堅 喺啱啱禮拜二「同心同樂」嘅馬主生日快樂團體就搞咗個慶功宴，慰勞游達榮馬房一眾手足，而今季兩位贏馬功臣麥文堅及希威森都有到場，其實呢隻馬除咗季初復出由艾兆禮跑咗1場外，之後4戰都係森仔操刀，但剛戰突然改用麥文堅兼且贏埋「綠野飛馳」，聽馬主團體成員蘇志康講，原來上仗係刻意搵麥文堅幫手，因為呢位年輕好手喺愛爾蘭已經為自己效力兼且贏馬，所以佢哋一早知麥文堅有料到，佢仲話麥文堅喺香港主要贏後上馬，但其實騎放頭馬一樣咁耍家，所以「同心同樂」剛戰一放到底建功，而佢亦好開心可以同麥文堅喺香港合作贏馬。 游達榮 至於今次再跑三班1400米，蘇志康覺得「同心同樂」有韌力同埋好硬淨，唔太受步速影響，今次繼續跑三班賽，有望拎到季內第3W。 同心同樂上仗初配麥文堅勝出田草1400米。