堅先生田泰安破悶局 15/03/2026 上個月尾去咗杜拜為「昇瀧駒」出戰北風錦標嘅田泰安，因為中東戰局關係被迫缺陣兩期賽事，可惜佢自從喺杜拜返回香港後，手風依然唔算太順，近兩次賽事只得1個亞軍，而佢對上一次頭馬，原來係上個月14日贏「暴風一族」，換言之安仔踏入馬年後仲未開齋。不過，嚟到今日沙田賽事，田泰安應該可以打破近一個月無馬贏嘅悶局，事關佢得到大舉出擊嘅同鄉桂福特全力支持，其中角逐第4場四班1200米草地嘅初出馬「堅先生」，就有機會一鳴驚人。 堅先生1月尾沙田試閘有走勢。 桂福特今季開倉雖然早期兵力一般，但由於唔少賽駒加盟後都有大幅進步，已經迅速打響名堂，目前馬房已有70駒。 不過，桂廐暫時有17W，仍未有一匹新馬一出即勝，相信練者都好想證明自己訓練質新馬一樣咁犀利，而L布3歲PPG「堅先生」，今次試咗4課大閘先上陣，埋門喺從化由於田泰安仍未返港，改由班德禮試草地1000米閘後上掄元，走勢吸引，做足工夫跑今場四班1200米，睇吓田泰安能否把握機會打破悶局？