英雄豪邁水落石出 18/03/2026 近年成績平平嘅徐雨石，已經收咗兩封警告信，但上季終於輕微反彈總共贏咗18W，今季馬房養馬量上升，加上本身已無從化倉嘅關係，竟然喺上個月初已經贏夠14W提早畢業，對近年都要打護級戰嘅石哥嚟講，無疑放下心頭大石。 巫偉傑 不過，唔知係咪心情太輕鬆，徐雨石自從喺上個月11日憑「銀亮濠俠」建功後，已經個多月無進帳，換言之即係踏入馬年後仲未有頭馬。即使唔再擔心畢唔到業，但石哥都應該想盡快打破悶局，而喺今晚跑馬地賽事派4駒上陣，兩匹王牌馬「電訊驕陽」及「英雄豪邁」近況不俗，尤其「英雄豪邁」　更值得留意。 「英雄豪邁」上仗轉投徐廐初出即入位。 點解咁講？「英雄豪邁」雖然今季冇咩表現，但剛戰加盟徐廐後小休兩個多月復出，轉場跑田草1000米直路賽，沿途居尾拉士狂追得季軍，走勢不差，今次轉爭強項谷草1000米，比上季喺三班同程上名時足足低咗19分，自然有優勢。另外，近兩季徐雨石為谷草1000米贏馬最多嘅倉主，睇吓「英雄豪邁」能否破悶局？