友愛心得1檔有禮 18/03/2026 英國好手班德禮今季暫時有21W，成績中規中矩，但佢就有幾位馬主嘅全力支持，當中包括啱啱禮拜日嘅「醒目高球」馬主黃士心，事關今季幾匹「高球」系賽駒如「精英高球」、「康樂高球」及「醒目高球」、都係由佢建功，而佢早前憑「紫荊盛勢」連下兩城兼捧走香港經典盃後，最近唔少「紫荊」系賽駒都由班仔接手，包括未上陣嘅PPG「紫荊戰士」最近都係由佢試大閘。 巫偉傑 不過，講到同班德禮最夾嘅梗係「心得」系賽駒，「好友心得」季初3連捷兼贏二級賽，上個月就輪到「友愛心得」喺佢胯下克服不利嘅12檔，匆匆再出贏谷草1200米，兼且喺跑馬地百萬挑戰盃煞科戰後來居上封王。其實「友愛心得」上仗原本由麥文堅執韁，但佢嗰朝唔舒服被迫換人，咁啱班德禮嗰場無坐騎，竟然建奇功，整定班仔同「心得」系特別有緣。 「友愛心得」上仗後上取勝成為狀元。 今晚「友愛心得」以跑馬地王者身份再跑三班谷草1200米，梗係繼續由班德禮策騎，仲要有運抽1檔，睇番呢隻馬季內兩次抽1檔跑同程都贏晒，有力贏出今季第4W。