奧爾民豪情飲多杯 22/03/2026 澳洲好手奧爾民呢輪手風好順，計埋啱啱禮拜三有「神駒馬靈」鬥至平頭冠軍，已經連續4次賽事有進帳，而喺今日打吡大賽日，佢除咗夥拍「幸運派彩」出戰呢場大賽，另夥拍上仗一出即勝嘅「櫻花酒杯」爭連捷，有機會幫佢連贏5日。 奧爾民 「櫻花酒杯」馬主陳德華透露，即使愛駒上仗初出跑四班田草1200米抽不利嘅11檔，但事前呂健威同奧爾民都唔擔心，同埋之前3課閘都係由奧爾民親自上從化考驗，騎者覺得呢隻馬好聰明同埋衝勁十足，結果上仗外檔出閘後都係盡力搶前，最終輕鬆贏對手近兩馬位，姿態出色。 櫻花酒杯上仗在奧爾民胯下一出即勝。 另外，陳生仲提到當初喺拍賣會購入「櫻花酒杯」，原來係因為老婆一見到愛駒就非常合眼緣，結果就買咗番嚟，依家證明太太眼光獨到，今次再跑四班1200米抽2檔，即使要孭135磅，仍有機會再下一城。