賀賢吼實萬里雲 05/04/2026 昨日仍屬公眾假期，幾位大師傅唔休息到場操馬，奧爾民係其中一位，7時15分，賀賢馬房列陣第2場五班1200米的「萬里雲」，由他過檔往大圈快跳一段，練者在烽火台2樓舉鏡睇完還未夠喉，再撲出露台繼續睇，緊張之情不言而喻。 賀賢 「萬里雲」季內在四班連拚多仗未開齋但走勢唔差，就好似上仗咁，同程跑第6名實際輸唔夠1個馬位，今次首度落五班上陣肯定着數，賀賢搵來福將奧爾民搏殺，恨贏之心表露無遺。 「萬里雲」昨朝出試火力俱備。