蔡明紹破悶局靠富國兄弟 08/04/2026 手風欠順嘅蔡明紹，剛戰又未能把握機會贏馬，「包裝明將」僅以第5名衝線，大熱門「奔放」摘亞，目前已經連續29期不勝，對上一次入凱旋門已數到2025年12月23日嘅「加州本事」。 蔡明紹今晚谷戰雖然僅得兩匹坐騎，但勝在貴精不貴多，鄭廐「真叻仔」及葉廐「富國兄弟」皆有爭勝機會。「真叻仔」上仗初跑谷草1650米即入Q，證明馬匹擅跑細場呢個路程。另外，「富國兄弟」今季10戰只有兩仗不獲獎金，短途1200米至一哩都曾跑入三甲，隔兩星期匆出，必有所圖。