潘頓拍住賀賢反擊 11/04/2026 莫雷拉殺到，潘頓嘅風頭立即畀佢搶咗一半，貴為潘一哥實行要反擊，多做功課多與練馬師溝通是成功重點，昨晨7時正，騎者操完幾件無賽程馬，拿拿臨直奔烽火台2樓搵賀賢傾密偈，目標十分明確。 潘頓 周日兩人攜手合作3駒剛好列陣三T場次，包括第5場「福聚」、第6場「勤德皆備」及第7場「盛勢威楓」，當中「盛勢威楓」值得高度重視，剛戰輕鬆贏對手個半馬位，今戰因艾兆禮早有聘約，潘頓接手必唔會客氣，況且排5檔形勢仲好過上次，連捷機高。