魯班精神四班夠惡 12/04/2026 丁冠豪踏入4月成績唔錯，先後憑「開心宇宙」及「文明福星」增添進帳，今季已取13W，欠1W便達標，當然想盡快完成目標，今日沙田賽事派4駒上陣，當中以第6場四班1200米嘅「魯班精神」最值得留意。「魯班精神」今季表現平平，近兩仗用巫顯東執韁全程居後無段好睇，明顯求減分，最終求仁得仁，如今跌至58分可以在四班上陣，今次立即改以霍宏聲掛帥，埋門兩課拍跳備戰認真。值得一提，「魯班精神」過往四班上陣過4次取3冠1季，上季尾正正落到四班立即贏馬，今次再作相同部署。