友愛心得希斯好肉緊 18/04/2026 昨晨為希斯馬房主課期，練者一早坐鎮烽火台2樓為戰駒督操，有賽程馬匹在6時半後亮相，「古惑大師」及「共創歡欣」艾道拿親試，「艾莉奧」及「友愛心得」助手逐一出大跑道快試，精彩鏡頭接連出現。 「友愛心得」、希斯 其中搶鏡馬當然係第8場「友愛心得」，搵到袁幸堯減10磅上陣，幕後心意表露無遺，此駒季內谷草1200米已取得3捷，評分上到85分已有阻力，剛戰泥地在班德禮胯下135磅跑入季軍己發揮得唔錯，今勻只負125磅，只要堯妹出閘順利領放，值得寄予厚望。 希斯睇完各駒操練去機坪接馬，偕副練對住戰駒指手劃腳緊張到極點，希廐剛啱夜賽起孖氣勢正盛，必定乘勝追擊，值得留意。