花香月明泥地散芬芳 18/04/2026 第2季在港設廐嘅游達榮踏入4月後成績不俗，先後憑「光輝歲月」、「將睿」、「銀亮奔騰」及「開心老闆」贏馬，季內取得25W，成績穩步上揚。既然練者最近手風咁順，踏入季尾不妨多啲留意游廐賽駒。 「花香月明」、游達榮 游達榮周日派6駒上陣，當中落班出戰第2場五班1200米泥地嘅「花香月明」打王牌，昨朝倉主欄邊吼實馬匹操練。此駒過去於四班田草同程已經接連跑近，血統上母線出自美國，跑泥地亦不成問題，加上有泥地好手金誠剛坐鎮，半冷不妨吼實。