麥道朗約定一出即勝 26/04/2026 依家每逢大賽日，都幾乎肯定會見到「世一」騎師麥道朗來港客串，而喺今次冠軍賽馬日，佢喺3場一級賽都有坐騎，當然最重要嘅任務係為前馬王「浪漫勇士」力爭第4度捧走女皇盃兼取得第14場G1頭馬，但其餘的坐騎都不能忽視，好似第3場四班1200米，來自希斯馬房嘅「幸福約定」，就有機會一鳴驚人。 麥道朗 先講吓「幸福約定」背景都唔簡單，係馬主黃凱汶同另一間育馬公司以100萬澳元投得，來港前已經喺澳洲由希斯3位囝囝比安希斯、威希斯及詹希斯訓練，做好前期工夫，來港後試咗6課大閘先上陣，拉士喺從化試草閘有追勢，擺明唔好唔出。值得一提，由2024年至今，麥道朗在港曾為7匹初出馬效力，得2冠2亞1季，今季正正曾為初出PPG「手機錶勁」建功，今次來港客串夥拍周歲馬價錢高昂嘅「幸福約定」上陣，絕對不能忽視。 幸福約定（左）曾在從化試閘勝出。