布浩榮重遇天然數字 26/04/2026 被人叫做潘頓2.0嘅澳洲好手布浩榮，果然有料到，啱啱禮拜三地標戰，立即憑「贏玥」贏咗場四班1650米賽事，拎到在港首場頭馬，首日上陣便克服谷草呢條魔鬼跑道，真係唔簡單。 布浩榮 其實布浩榮今次來港客串真係誠意十足，上個月趁停賽已經率先來港試閘兼操馬，務求盡快適應環境，睇嚟只要呢幾個月交出成績，好有可能留下長駐，而今日沙田賽事，大賽日佢都有8匹坐騎，除咗喺冠軍一哩賽夥拍「陽光勇士」上陣外，最值得留意第10場三班1600米嘅「天然數字」，呢匹徐廐4歲澳洲自購馬，雖然近兩仗名次都係雙位數，但今次有變數重戴喺外地嘅贏馬配備眼罩，同埋回師曾獲季軍嘅田草1600米，應該有啲幫助，況且徐雨石有啲心思，事關呢隻馬喺澳洲曾配布浩榮建功，今次難得喺香港故劍重逢，人馬默契唔使擔心，睇吓能否換人即變身？ 天然數字田草1600米曾入三甲。