紫荊盛勢塞翁失馬 03/05/2026 冠軍賽馬日喺上周日已曲終人散，3場G1冠軍亦名花有主，冠軍一哩賽最終由「祝願」首奪G1。不過，對「紫荊盛勢」嚟講，相信會對呢個賽果有少少可惜，事關呢匹4歲馬原本入選女皇盃卻退出，幕後原本係想參與冠軍一哩賽，點知反而喺呢場1600米G1只列為後備，最終請纓無路。 羅富全 不過，有時塞翁失馬，焉知非福！即使錯失角逐一級賽嘅機會，今日卻可以捨難取易，回師二班田草1600米會員盃，話唔定可以幫羅富全順利捧盃。作為今季香港經典盃冠軍，「紫荊盛勢」其後出戰香港打吡大賽亦得季軍，同啱啱喺冠軍一哩賽跑第4名嘅「白鷺金剛」互有勝負，依家「白鷺金剛」已經加至112分，而「紫荊盛勢」只係評103分，當然有着數，今次回師1600米威力亦大。另外，「紫荊盛勢」同主馬「紫荊拼搏」同日跑第9場三班2000米，以前仗贏1800米嘅姿態，應該愈長愈妙，睇吓「紫荊」系能否包辦第8口孖寶？ 紫荊盛勢前仗勝出經典盃。