田泰安揀摯友心得 06/05/2026 田泰安最近成績回勇，對上4期田戰都有頭馬進帳，季內目前累績31場頭馬，重新登上騎師榜前5名。而呢位35歲毛里裘斯籍騎師季內於泥地取得8W，僅次於艾兆禮及潘頓，今晚全泥夜宴當然唔可以忽視。 「摯友心得」 田泰安騎8駒上陣，當中喺第2場五班1200米，將策騎桂福特旗下嘅「摯友心得」上陣，然而同場有上仗於田泰安胯下贏馬嘅「魅力星」，田泰安棄騎而選擇替落班嘅「摯友心得」效力，肯定有其考量因素。而「摯友心得」近仗於四班同程接連跑近，進步不斷，今次落班作戰絕對不容忽視。