支付之父加強本錢 09/05/2026 從化倉葉楚航現時有15W響手，差1W就達標，今期有兩駒用冠軍騎師潘頓，第4場「支付之父」3歲仔上次初出艾道拿遲遲先撻得着，結果追唔切前面走甩嘅「勝萬金」得第2名，呢鋪換潘頓求補中。第10場「榮駿大道」季初贏馬後已跑3次亞軍，今次搵潘頓又係搏殺格。 另外，上季三冠馬王「遨遊氣泡」原本會在遮打盃作衞冕戰，但練馬師姚本輝指未必會如期參戰。原來此匹7歲佳駟上月冠軍一哩賽賽前受傷的肘部，至今仍未徹底痊愈，要一星期後才能確定能否出戰遮打盃。 浪漫戰神遮打盃配潘頓 而新勝皇太后紀念盃的「浪漫戰神」，決定由潘頓出戰遮打盃，屆時將與同主「浪漫勇士」並肩作戰。