神異金剛呢鋪有航 13/05/2026 葉楚航剛戰田草憑「北地烈馬」及「榮駿大道」起孖，成功達標之餘，更勝出練馬師王，季內目前取得17W，練者當然希望可以喺煞科之前爭取更多頭馬，今晚谷戰安排5駒上陣，悉數不容忽視。第2場四班1200米嘅「神異金剛」，至今仍為三零部隊，但季內4戰同程，不論後追及跟前走勢都不差，上仗周俊樂首策只輸兩個多馬位已試準，出王牌唔轉路程，「金剛」系久未取勝，必思進取。 「神異金剛」昨朝加課火力十足。