翠湖烈風加課有計 03/06/2026 賀賢馬房剛戰憑「嘉應耀昇」及「嘉應奇兵」贏馬起孖，兩匹戰駒在賽前一日均由主轡騎師加課，食過翻尋味，昨晨又有匹賀廐賽駒用同一招，睇吓你跟唔跟？ 第2場五班1200米「翠湖烈風」後備補出，幕後加強力度砥礪，昨晨由助手騎往大圈慢跳，雖則今次唔係騎師操刀，但仍有留意價值，此駒在季初跑四班同程有能力言勝，今仗落班回配贏馬騎師艾兆禮有計。