爭100萬拍賣馬獎金 開心老闆搏到盡 13/06/2026 2026香港國際馬匹拍賣會喺下個月3日舉行，今年暫時有21匹拍賣馬畀一眾準買家競投。每逢拍賣會舉行前夕，啲ISG嘅演出特別醒神，今日第11場三班1600米草地嘅「開心老闆」，應該係去年香港國際馬匹拍賣會其中一匹表現最好嘅ISG，此匹4歲馬今季6戰取得2冠1亞，今次突然初戴眼罩上陣，擺明力爭100萬嘅香港國際馬匹拍賣會新馬獎金。 「開心老闆」前仗贏四班有餘未盡。 舊年由馬主愉快上班團體以260萬投返嚟嘅「開心老闆」，第2次上陣已經順利贏馬，證明有質素，甚至練馬師游達榮都讚幕後眼光好，可以喺拍賣會揀到「開心老闆」返嚟。雖然剛戰升上三班再跑1400米表現平平，但鞍上人霍宏聲話因為馬匹未能適應黏地，因此影響發揮。復課後操練正常，埋門喺從化試泥閘走勢理想，今次改用游達榮愛將周俊樂執韁，即使抽不利嘅14檔仍有機會回復真身，爭取今季第3場勝仗。 周俊樂 # 游達榮