葉楚航亨驥勤有功 20/06/2026 周三賽事輪空，仲有好多騎練未返港，幸好昨晨有葉楚航撐場，天光後見航哥在烽火台內準備就緒，攞定鏡行出門口督操，第1場「贏得自在」、第2場「不勞而獲」及第11場「亨驥」先後出大跑道由助手快跳砥礪，動態吸引。 葉楚航 數到近績最省鏡自然係第11場三班1400米「亨驥」，自何澤堯接手後3戰1亞1季，4歲馬仍有進步空間，如今賽前加大力度打磨，原裝配搭再拚，戰意昭然若揭。 「亨驥」昨朝出試走勢爽勁。 頭場「贏得自在」初次上陣跑1000米直路賽，排12檔起步有形勢之助，埋門試草地大閘第3名過終點，步姿純熟有勁，不可忽視。