致力之城手到拿來 21/06/2026 啱啱禮拜一馬會公布新一季嘅騎練牌照事宜，基本上都冇咩大改變，只係目前騎師榜成績最差嘅兩位外籍大師傅金誠剛同埋艾道拿下季只獲發半季牌照，都唔算令人意外嘅。最近拎到在港第100場頭馬嘅澳洲好手艾道拿，今季個人頭馬數字急跌，由上季嘅47場變成依家只得20W，跌咗逾五成，都算幾誇張。 「致力之城」埋門由艾道拿輕勝泥閘。 不過，艾道拿呢輪手風已經轉順，最近兩戰都有進帳加埋贏咗3W，嚟到今日沙田賽事就有5匹坐騎，兼且繼續獲得同鄉希斯關照，有權憑「致力之城」食頭胡兼連贏3日。 3歲PPG「致力之城」在港頭兩場都係由潘頓策騎，兩場都有票數支持，可惜都係三甲不人，反而由艾道拿接手後跑兩場取得1亞1季，人馬相當合拍，復課後試泥閘更大炒對手，成熟程度更進一步。值得一提，「致力之城」近兩仗入圍都係跑變化地，以香港最近天氣，相信今日場地狀況都唔會太快，形勢對此駒有利，睇吓此匹快馬能否憑地利順利補中？