潘頓緣繫祥勝鷹駒 21/06/2026 潘頓雖然上周六同游達榮合作嘅「馬上盈」只得第6名，但其實呢對騎練最近頻頻有佳作，之前有「隨緣得勝」及「銀亮奔騰」攜手贏馬，嚟到今日沙田賽事，游達榮就將初次上陣嘅3歲PPG「祥勝鷹駒」交畀呢位冠軍騎師執韁，有機會成為佢開倉至今首匹一出即勝嘅PPG。 潘頓 雖然「祥勝鷹駒」來港初期係由周俊樂幫手喺從化試閘，但上個月返回沙田馬房後，連續3課試閘均由潘頓主理，其實係非常正常，事關潘頓今季為此駒馬主之一嘅陳永鴻「祥勝將軍」贏咗兩W，另一匹陳生有份嘅「祥勝力駒」亦騎過兩次得1季，依家接手「祥勝鷹駒」都算順理成章。而呢匹PPG埋門試泥閘走勢強勁率先衝線，狀態夠水平，加埋在港同父馬「超和平」都係一出即勝，相信呢匹「露營友」子嗣同樣有早熟特點，有權一鳴驚人。 「祥勝鷹駒」月初配潘頓贏出泥閘。